‘ನಾನಂತೂ ದಿನಾ ಇತ್ತೀಚೆಗೆ ಬೆಳಿಗ್ಗೆ ಬ್ರೇಕ್ಫಾಸ್ಟ್ ಗೆ ಓಟ್ಸ್ ತಿನ್ನೋದು..ದಿನೇ ದಿನೇ ಹೆಚ್ಚುವ ದೇಹದ ತೂಕ ಇಳಿಸುವುದಕ್ಕೆ ಇದು ಬಹಳ ಒಳ್ಳೆಯದಂತೆ ನೋಡು..ಅದೂ ಅಲ್ಲದೆ ಅದರಲ್ಲಿ ತುಂಬಾ ಫೈಬರ್ ಇರೋದ್ರಿಂದ ದೇಹಕ್ಕೆ ಇತರ ಪ್ರಯೋಜನಗಳೂ ಇವೆ..ಕೊಲೆಸ್ಟರಾಲ್ ನಿಯಂತ್ರಣ, ಸಕ್ಕರೆ ಕಾಯಿಲೆ ಹತೋಟಿ ಇತ್ಯಾದಿಗಳಿಗೂ ಇದು ರಾಮಬಾಣವಂತೆ..ನೀನೂ ಮಾಡು..ದಿನಾ ತಿಂಡಿಗೇನು.. ಇಡ್ಲಿ ..ದೋಸೆಗೆ ಅಕ್ಕಿ ಉದ್ದು ನೆನೆಸೋ ಕಡಿಯೋ ಯೋಚನೇನೂ ಇರೋದಿಲ್ಲ’…
Continue reading “ಡಯಟ್ ರೆಸಿಪಿ!!!!!”
ಆ ಮನೆಯಲ್ಲಿ ಅಂದು ಕುಟುಂಬ ಹಿರಿಯ ಕಿರಿಯ ಸದಸ್ಯರೆಲ್ಲ ಒಟ್ಟು ಸೇರಿದ್ದರು. ಯಜಮಾನ ಅಪ್ಪಣ್ಣಯ್ಯ..ಅವರ ಕುಟುಂಬ. ಅಣ್ಣ ತಮ್ಮ ಇವರ ಹೆಂಡಂದಿರು..ಅಕ್ಕ ತಂಗಿಯರು.. ಅವರ ಗಂಡಂದಿರು, ಮಕ್ಕಳು, ಮೊಮ್ಮಕ್ಕಳು ಸೇರಿ ಸುಮಾರು ಐವತ್ತು ಜನ ಆಗುತ್ತಾರೆ..ಆ ದಿನದ ಸಂಭ್ರಮಾಚರಣೆಯ ಕಾರಣ, ಅಪ್ಪಣ್ಣಯ್ಯನವರ ತಂಗಿ ಕಾವೇರಮ್ಮ ಗಳಿಸಿದ್ದ ಕಾನೂನಾತ್ಮಕ ಹೋರಾಟದ ಗೆಲುವು.. ಇಪ್ಪತ್ತು ವರುಷಗಳ ಕೆಳಗೆ ಬಸ್ ಪ್ರಯಾಣದ ವೇಳೆ ಕಾಲಿಗೆ ತೀವ್ರ ಪೆಟ್ಟಾಗಿ ಸುಮಾರು ಒಂದು ವರುಷದ ಶುಶ್ರೂಷೆಯ ನಂತರ ಆಕೆ ಸ್ಟ್ರೆಚರ್ ನೆರವಿನಲ್ಲಿ ನಡೆಯುವಂತಾದದ್ದು.. ಅಪಘಾತದ ವಿಮಾ ಪರಿಹಾರಕ್ಕೆ, ಹದಿನೈದು ವರ್ಷ ಕೋರ್ಟ್ ಕೇಸ್ ನಡೆದು ರೂಪಾಯಿ ಇಪ್ಪತ್ತೈದು ಲಕ್ಷ ಈಗ ಕಾವೇರಮ್ಮನಿಗೆ ದೊರೆತಿದೆ. ಕುಟುಂಬದವರ ನಿರಂತರ ಸಹಕಾರ, ಆರೈಕೆ, ಬೆಂಬಲದಿಂದ ಕಾವೇರಮ್ಮ, ತಮ್ಮ ಕೆಲಸ ಮಾಡುವಷ್ಟು ಚೇತರಿಸಿ ಕುಟುಂಬದವರ ಸಂತೋಷಕ್ಕೆ ಕಾರಣವಾಗಿದ್ದಾರೆ..
Continue reading “ಕೂಡಿ ಬಾಳೋಣ”
ಕೊರೋನಾ ಕಾರಣ ನಗರಾಡಳಿತ ಊರಿನಲ್ಲಿ ಬಂದ್ ಆಜ್ಞೆ ನೀಡಿತ್ತು. ಅದರಂತೆ, ವಾರದ ದಿನಗಳಲ್ಲಿ ಬೆಳಿಗ್ಗೆ ಆರರಿಂದ ಒಂಬತ್ತರವರೆಗೆ ದಿನನಿತ್ಯೋಪಯೋಗಿ ಸಾಮಾನು ಖರೀದಿಗೆ ಅವಕಾಶ. ಪೋಲಿಸ್ ಇಲಾಖೆಯವರು ದಂಡ ಹಾಕುವುದರಿಂದ ಒಂಭತ್ತು ಗಂಟೆಗೆ ಸರಿಯಾಗಿ ಎಲ್ಲ ಅಂಗಡಿಯವರು ಬಾಗಿಲು ಹಾಕುತ್ತಾರೆ. ಕಲ್ಪನಾ ಪಟ್ಟಿ ಮಾಡಿಕೊಂಡು, ಬೆಳಿಗ್ಗೆ ಬೇಗನೆ ಹೋಗಿ ಒಂದು ವಾರಕ್ಕೆ ಬೇಕಾಗುವ ಸಾಮಾನು ತರುತ್ತಾಳೆ. ಈ ಸಲ ಹಾಗೆ ಹೋಗುವಾಗ ಮೆಡಿಕಲ್ ಶಾಪ್ ಗೂ ಭೇಟಿಕೊಟ್ಟು ತಂದೆ ತಾಯಿಗೆ ಬೇಕಾಗುವ ಬಿ.ಪಿ., ಶುಗರ್ ಮಾತ್ರೆಗಳು ಹಾಗೂ ತನಗೆ ಆಫೀಸಿನಲ್ಲಿ ಬೇಕಾಗುವ ಸಾನಿಟೈಸರ್ ಖರೀದಿಗೆ ಅಂತ ಮನೆಯಿಂದ ಸ್ವಲ್ಪ ದೂರದಲ್ಲೇ ಇರುವ ಪರಿಚಿತರ ಮೆಡಿಕಲ್ ಶಾಪಿಗೆ ಹೋಗಿದ್ದಾಳೆ.
Continue reading “ಇಂತಹವರೂ ಇದ್ದಾರೆ”
ಅದು ಯುನಿವರ್ಸಿಟಿಯ ಮೊದಲ ಸೆಮಿಸ್ಟರ್ ನ ಪರೀಕ್ಷೆ ಮುಗಿದು, ನಂತರದ ಸೆಮಿಸ್ಟರ್ ನ ನಡುವಿನ ರಜಾಕಾಲ ಆರಂಭದ ದಿನ. ಅಮೇರಿಕಾದ ನ್ಯೂಯಾರ್ಕ್ ನಿಂದ ಸುಮಾರು ನೂರು ಕಿ. ಮೀ. ದೂರದಲ್ಲಿರುವ ಲಾಂಗ್ ಐಲಾಂಡ್ ಎಂಬಲ್ಲಿ ಶಿಖಾ ಕಲಿಯುತ್ತಿದ್ದ ಯುನಿವರ್ಸಿಟಿ ಇದೆ. ಮೊದಲ ಬಾರಿಗೆ ತಾಯ್ನಾಡು ಭಾರತವನ್ನು ಬಿಟ್ಟು ಬೇರೆ ದೇಶದಲ್ಲಿ, ಹೊಸ ಪರಿಸರದಲ್ಲಿ ,ಶಿಖಾ ಶಿಕ್ಷಣ ಪಡೆಯುತ್ತಿದ್ದಾಳೆ. ಅಲ್ಲಿನ ಹೊಸ ಕಲಿಕಾ ವಿಧಾನ, ಪಾಶ್ಚಿಮಾತ್ಯ ಸಂಸ್ಕೃತಿ ಇವುಗಳನ್ನು ಗಮನಿಸುತ್ತ ಒಗ್ಗಿಕೊಳ್ಳುತ್ತ ಇದ್ದಾಳೆ.
Continue reading “ಭಾರತೀಯರು ನಾವು ಭಾರತೀಯರು”
ವಿನಯಾಳ ಮನೆಯಿರುವುದು ಒಂದು ತಾಲೂಕು ಪ್ರದೇಶದಲ್ಲಿ. ಅವಳ ತಂದೆ ಪ್ರೈವೇಟ್ ಆಫೀಸಿನಲ್ಲಿ ಕೆಲಸದಲ್ಲಿದ್ದು , ಊರ ಹೊರಗಿನ ಹೊಸ ಬಡಾವಣೆಯಲ್ಲಿ ಮನೆ ಕಟ್ಟಿಸಿದ್ದರು. ಆ ಹೊಸ ಬಡಾವಣೆಯಲ್ಲಿ ದೂರದೂರಕ್ಕೆ,ಕೆಲವೇ ಮನೆಗಳು ತಲೆ ಎತ್ತಿದ್ದವು.
Continue reading “ಸ್ವೀಕಾರ- ಒಂದು ಕಿರುಗತೆ”
ಸದಾ ಲವಲವಿಕೆಯಿಂದಿರುವ ಸುಮತಿಗೆ ಈಗ್ಗೆ ನಾಲ್ಕು ದಿನದಿಂದ ಯಾವ ವಿಷಯದಲ್ಲೂ ಹೆಚ್ಚಿನ ಆಸಕ್ತಿಯಿಲ್ಲ. ದಿನಾಲು ಸಂಜೆ ಮನೆಯೆದುರಿನ ಹೂತೋಟದ ಆರಾಮ ಕುರ್ಚಿಯಲ್ಲಿ ಕುಳಿತು ಗೇಟಿನ ಕಡೆ ನೋಡುತ್ತಾ, ಯೋಚನೆಯಲ್ಲಿ ಮುಳುಗುತ್ತಾರೆ. ಒಮ್ಮೆ ನಿಡುಸುಯ್ಯುತ್ತಾರೆ.. ಮತ್ತೊಮ್ಮೆ ನೀಳ ಉಸಿರು ಎಳೆದು ಶೂನ್ಯದಲ್ಲಿ ದೃಷ್ಟಿ ನೆಡುತ್ತಾರೆ. ದಿನಾಲೂ ಇದೇ ನಡೆಯುತ್ತಿದೆ..ಯಾಕೆ ಹೀಗೆ…
Continue reading “ಉಡುಗೊರೆ”
ಆ ಇಡೀ ದಿನ ಆತನ ಮನಸ್ಸು ‘ತಾಯಮ್ಮ’ನ ಕುರಿತು ಧೇನಿಸುತ್ತಿತ್ತು. ಅದಕ್ಕೆ ಕಾರಣ, ‘ತಾಯಮ್ಮ’ನ ಕುರಿತು ಸ್ವಾಮೀಜಿಯವರು ಹೇಳಿದ ಮಾತು.
ಸುಮಾರು 20 ವರ್ಷಗಳ ಹಿಂದಿನ ದಿನಗಳು. ಅವನಿಗೆ ಆಗ 12-13 ವರ್ಷ. ಹಳ್ಳಿಯಲ್ಲಿ ಪ್ರಾಥಮಿಕ ಶಾಲೆ ಮಾತ್ರವಿದ್ದು ಪ್ರೌಢಶಾಲಾ ಶಿಕ್ಷಣಕ್ಕೆ ಪಟ್ಟಣಕ್ಕೇ ಹೋಗಬೇಕಿತ್ತು. ಅವನ ತಂದೆ, ಶಿಸ್ತಿನ ಜೀವನಕ್ರಮಕ್ಕೆ ಹೆಸರಾಗಿದ್ದ ಹತ್ತಿರದ ಪಟ್ಟಣದಲ್ಲಿನ ರಾಮಕೃಷ್ಣಾಶ್ರಮಕ್ಕೆ ಅವನನ್ನು ಸೇರಿಸಿ ಅಲ್ಲಿಂದ ಪ್ರೌಢಶಾಲೆಗೆ ಹೋಗುವ ಏರ್ಪಾಡು ಮಾಡಿದ್ದರು.
Continue reading “‘ತಾಯಮ್ಮ’”
ಆ ಪಟ್ಟಣದ ಪ್ರಮುಖ ಸಮುದ್ರ ಕಿನಾರೆಯಲ್ಲಿ ಗಿಜಿಗುಟ್ಟುವ ಯಾತ್ರಿಕರು. ಸಮುದ್ರದಿಂದ ಬೀಸುವ ಬಲವಾದ ಗಾಳಿ. ಗಾಂಭೀರ್ಯದಿಂದ ತನ್ನ ತೇಲುಬಾಹುಗಳನ್ನು ಆಗಾಗ ದಡದ ಕಡೆ ಸೆಟೆದು ಅಬ್ಬರಿಸುವ ಸಮುದ್ರ ರಾಜ. ಯಾತ್ರಿಕರನ್ನು ತಮ್ಮೆಡೆಗೆ ಸೆಳೆದುಕೊಳ್ಳಲು ಯತ್ನಿಸುತ್ತಿರುವ ವ್ಯಾಪಾರಿಗಳು. ಸಮುದ್ರದ ಕಲ್ಲು, ಚಿಪ್ಪು, ಶಂಖ, ಮುತ್ತು, ಹವಳ ಇತ್ಯಾದಿ ಅವರ ಮಾರಾಟದ ಸರಕು.ಈ ಎಲ್ಲವನ್ನೂ ಬೆರಗಿನಿಂದ ಗಮನಿಸುತ್ತಿದ್ದ ನಿಂತಿದ್ದ, ಸೇಲ್ಸ್ ಮತ್ತು ಮಾರ್ಕೆಟಿಂಗ್ ನಲ್ಲಿ ಎಂಬಿಎ ಡಿಗ್ರಿ ಪಡೆದು ಬಹುರಾಷ್ಟ್ರೀಯ ಕಂಪೆನಿಯ ತನ್ನ ಮೊದಲ ಉದ್ಯೋಗದ ನಿಮಿತ್ತ ಮಲೆನಾಡಿನಿಂದ ಬೇರೆ ರಾಜ್ಯದಲ್ಲಿರುವ ಆ ಪಟ್ಟಣಕ್ಕೆ ಬಂದಿದ್ದು, ಬಿಡುವಿನಲ್ಲಿ ಸಮುದ್ರ ಕಿನಾರೆಯ ನೋಟವನ್ನು ಸವಿಯಲು ಬಂದಿದ್ದ ಒಬ್ಬ ಯುವಕ.
Continue reading “ವ್ಯಾಪಾರ”
ಕಿರಿಯ ಪ್ರಾಥಮಿಕ ಶಾಲೆಯ ವಾರ್ಷಿಕೋತ್ಸವದ ತಯಾರಿ. ಇದರ ಅಂಗವಾಗಿ ವಿವಿಧ ಸ್ಪರ್ಧೆಗಳು. ಒಂದನೇ ತರಗತಿಯ ಮಕ್ಕಳ ಉತ್ಸಾಹ ಹೇಳತೀರದು. ಆ ದಿನ ರಂಗೋಲಿ ಬಿಡಿಸುವ ಸ್ಪರ್ಧೆ..
Continue reading “ಶ್ಶಾಮಲಿಯ ರಂಗೋಲಿ”
ಕ್ಲಾಸಿನಲ್ಲಿ ಎದ್ದು ನಿಲ್ಲಿಸಿ ಪ್ರಶ್ನೆ ಕೇಳಿ ಗಲಿಬಿಲಿ ಗೊಳಿಸುವ, ಏರಿಳಿತವಿಲ್ಲದ ಸ್ವರದಿಂದ ಪಾಠ ಮಾಡಿ ಬೋರ್ ಹೊಡೆಸುವ ಆ ಮೇಡಂ ಬಗ್ಗೆ ಮನೀಷಾಗೆ ಅಸಮಾಧಾನ. ಇಂದು ತರಗತಿಯಲ್ಲಿ ಪಾಠದ ಕಡೆಗೆ ಗಮನ ಕೊಡದ್ದಕ್ಕೆ ಮೇಡಂ ಕೈಯಲ್ಲಿ ಉಗಿಸಿಕೊಂಡಳು ಕೂಡ. ‘ಪಾಠ ಇಂಟರೆಸ್ಟಿಂಗ್ ಆಗಿದ್ದರೆ ತಾನೆ ಕೇಳೋಣ ಅನಿಸುವುದು’…. ಉದ್ವೇಗದಿಂದ ಮನೀಷಾ ನಂತರದ ಕ್ಲಾಸ್ ಬಂಕ್ ಮಾಡಿ ಕಂಪ್ಯೂಟರ್ ಲ್ಯಾಬ್ ನಲ್ಲಿ ಯಾರೂ ಇಲ್ಲದ್ದು ಗಮನಿಸಿ ಅಲ್ಲೇ ಹಿಂದಿನ ಒಂದು ಟೇಬಲ್ ಗೆ ಧಿಮಿಗುಡುತ್ತಿರುವ ತಲೆಯಾನಿಸಿ ಕುಳಿತು ತನಗರಿವಿಲ್ಲದಂತೆ ಟೇಬಲ್ ಮೇಲೆ ಪೆನ್ಸಿಲ್ನಿಂದ ,’ ಇಂಗ್ಲಿಷ್ ಮೇಡಂ ನನಗಿಷ್ಟವಿಲ್ಲ’ ಎಂದು ಗೀಚಿದಳು. ಸ್ವಲ್ಪ ಹೊತ್ತು ಅಲ್ಲೇ ಕಣ್ಣು ಮುಚ್ಚಿ ಕುಳಿತು ನಂತರ ಮುಖ ತೊಳೆದು ನೀರು ಕುಡಿದು ಬಂದಾಗ ಕದಡಿದ ಮನಸ್ಸು ತಹಬದಿಗೆ ಬಂದಿತ್ತು.
Continue reading “ಅಜ್ಞಾತ ಸ್ನೇಹಿ”