ಕೋವಿಡ್ ಲಸಿಕೆಯ ಆವಿಷ್ಕಾರ

ಅಭಿನಂದನೆ ಅಭಿವಂದನೆ

ಅಪ್ರತಿಮ ಸಾಧನೆಯ ವಿಜ್ಞಾನಿಗಳಿಗೆ

ಆದ್ವಿತೀಯ ಮಹಾನ್ ಸಂಶೋಧನೆಗೆ

ಅಭಿಮಾನದಲಿ ಗೌರವ ಅರ್ಪಣೆ

ಅಸಾಮಾನ್ಯವು ಅಸಾಧಾರಣವು

ಕೋವಿಡ್ ಲಸಿಕೆಯ ಆವಿಷ್ಕಾರವು

ಅವಿರತ ತಪಸ್ಸಿನ ಸಾಧನೆಯು

ಅಚಂಚಲ ಪ್ರಯತ್ನದ ಶೋಧನೆಯು

ಆ ಧನ್ವಂತರಿಯ ಆಶೀರ್ವಾದವು

ಆ ದಿವ್ಯದ ಸುಪ್ರೇರಣೆಯು

ಅಗೋಚರದ ಸುಪ್ರಕಾಶನವು

ಅಪ್ರಕಟದ ಅದ್ಭುತ ಪ್ರಕಟಣೆಯು

ಆದರದಿ ಪ್ರಶಂಶಿಸುತ ಸಂಶೋಧನೆಗೆ

ಮೇಲೆ ನಭದಿ ದೇವದುಂದುಭಿ ಮೊಳಗೆ

ಎಲ್ಲೆಲ್ಲೂ ಹರ್ಷೋದ್ಗಾರದ ಘಳಿಗೆ

ಉಘೇ ಉಘೇ ಉಘೇ ವಿಜ್ಞಾನಿಗಳಿಗೆ